പട്ടികവര്‍ഗ്ഗ വികസനവകുപ്പ് വിവിധ തസ്തികളിൽ അപേക്ഷ ക്ഷണിച്ചു

കാസർകോട് പട്ടികവര്‍ഗ്ഗ വികസനവകുപ്പ് ആരോഗ്യവകുപ്പുമായി ചേര്‍ന്ന് പട്ടികവര്‍ഗ്ഗ വിഭാഗത്തില്‍ നിന്നുള്ള നഴ്‌സിംഗ് ഉള്‍പ്പെടെയുള്ള വിവിധ പാരാമെഡിക്കല്‍ കോഴ്‌സുകള്‍ വിജയകരമായി പൂര്‍ത്തിയാക്കിയവരെ പട്ടികവര്‍ഗ്ഗ മേഖലയിലെ പ്രാഥമികാരോഗ്യ കേന്ദ്രങ്ങള്‍ മുതല്‍ മെഡിക്കല്‍ കോളേജ് വരെയുള്ള ആരോഗ്യ കേന്ദ്രങ്ങളില്‍ താല്‍ക്കാലികാടിസ്ഥാനത്തില്‍ നിയമിക്കുന്നു.

പരപ്പ ട്രൈബല്‍ ഡവലപ്‌മെന്റ് ഓഫീസ് പരിധിയിലെ എഫ്.എച്ച്.സിഎണ്ണപ്പാറ, ടി.എച്ച്. പനത്തടി, ബി.എഫ്.എച്ച്.സി വെള്ളരിക്കുണ്ട്, എഫ്.എച്ച്.എസ്.സി കൊന്നക്കാട്, എഫ്.എച്ച്.എസ്.സി പാണത്തൂര്‍ എന്നിവിടങ്ങളില്‍ നിയമിക്കുന്നതിന് അര്‍ഹരായപട്ടികവര്‍ഗ്ഗ വിഭാഗത്തില്‍പ്പെട്ട യുവതീ യുവാക്കളില്‍ നിന്നും അപേക്ഷ ക്ഷണിച്ചു.

നേഴ്‌സിംഗ് ഓഫീസര്‍, ഫാര്‍മസിസ്റ്റ്, ലാബ് ടെക്‌നീഷ്യന്‍ എന്നീ തസ്തികകളിലാണ് നിയമനം.

ഉദ്യോഗാര്‍ത്ഥികള്‍ പട്ടികവര്‍ഗ്ഗവിഭാഗത്തില്‍ നിന്നും ഉള്ളവരായിരിക്കണം.

വിദ്യാഭ്യാസ യോഗ്യത-നഴ്‌സിംഗ്,ഫാര്‍മസി, മറ്റ് പാരാമെഡിക്കല്‍ കോഴ്‌സ് ബിരുദം/ഡിപ്ലോമ യോഗ്യത. കേരള പാരാമെഡിക്കല്‍ കൗണ്‍സില്‍ രജിസ്‌ട്രേഷനുള്ള 21-35 ഇടയില്‍ പ്രായമുള്ളവര്‍ക്ക് അപേക്ഷിക്കാം.

അപേക്ഷകയുടെ മാതൃക ട്രൈബല്‍ ഡവലപ്‌മെന്റ ഓഫീസ് പരപ്പ/ട്രൈബല്‍ എക്സ്റ്റന്‍ഷന്‍ ഓഫീസ്പനത്തടി/ഭീമനടി എന്നിവിടങ്ങളില്‍ നിന്നും വെബ്‌സൈറ്റില്‍ നിന്നുംലഭിക്കും.

അപേക്ഷ സ്വീകരിക്കുന്ന അവസാന തീയ്യതി ഒക്‌ടോബര്‍ 30.

ഫോൺ നമ്പർ
വെബ്സൈറ്റ് ലിങ്ക്