ട്രൈബല്‍ പാരാമെഡിക്സ് ട്രെയിനി അപേക്ഷ ക്ഷണിച്ചു

പാലക്കാട് : ട്രൈബല്‍ പാരാമെഡിക്സ് ട്രെയിനി നിയമനത്തിനായി അട്ടപ്പാടി ഐ.റ്റി.ഡി.പി പരിധിയില്‍ വരുന്ന പട്ടികവര്‍ഗ്ഗ വിഭാഗത്തില്‍പ്പെട്ട യുവതിയുവാക്കളില്‍ നിന്നും അപേക്ഷ ക്ഷണിച്ചു.

നേഴ്‌സിംഗ്, ഫാര്‍മസി, മറ്റ് പാരാമെഡിക്കല്‍ കോഴ്സ്, ബിരുദം/ഡിപ്ലോമ യോഗ്യതയുള്ള 22നും 35നും ഇടയില്‍ പ്രായമുള്ളവര്‍ക്ക് അപേക്ഷിക്കാം. കേരള പാരമെഡിക്കല്‍ കൗണ്‍സില്‍ രജിസ്‌ട്രേഷന്‍ നിര്‍ബന്ധം. ഒരു വര്‍ഷത്തേക്കായിരിക്കും നിയമനം.

ബിരുദ യോഗ്യതയുള്ളവര്‍ക്ക് 18,000, ഡിപ്ലോമ യോഗ്യതയുള്ളവര്‍ക്ക് 15,000 എന്നിങ്ങനെയായിരിക്കും പ്രതിമാസ വേതനം.

താത്പര്യമുള്ള ഉദ്യോഗാര്‍ത്ഥികള്‍ നിശ്ചിത മാതൃകയിലുള്ള അപേക്ഷ ജാതി, വയസ്സ്, വിദ്യാഭ്യാസ യോഗ്യത, എന്നിവ തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍, തിരിച്ചറിയല്‍ രേഖ അവയുടെ സാക്ഷ്യപ്പെടുത്തിയ പകര്‍പ്പുകള്‍ സഹിതം അഗളി ഐ.റ്റി.ഡി.പി ഓഫീസ്, അഗളി,പുതൂര്‍, ഷോളയൂര്‍ ട്രൈബല്‍ എക്സ്റ്റന്‍ഷന്‍ ഓഫീസുകളില്‍ മാര്‍ച്ച് 20വരെ അപേക്ഷ സമര്‍പ്പിക്കാമെന്ന് പ്രൊജക്ട് ഓഫീസര്‍ അറിയിച്ചു.

ഫോൺ നമ്പർ