അങ്കണവാടി കം ക്രഷിൽ നിയമനം

മലപ്പുറം: പൂക്കോട്ടൂർ പള്ളിമുക്ക് കുറുക്കൻകുന്ന് അങ്കണവാടിയിൽ പ്രവർത്തനം ആരംഭിക്കുന്ന അങ്കണവാടി കം ക്രഷിൽ വർക്കർ, ഹെൽപ്പർ തസ്തികകളിലേക്ക് അപേക്ഷ ക്ഷണിച്ചു.

പൂക്കോട്ടൂർ ഗ്രാമപഞ്ചായത്തിൽ വാർഡ് ഏഴിലെ (പള്ളിമുക്ക്) സ്ഥിരതാമസക്കാരായിരിക്കണം.

പ്രായപരിധി 2025 ജനുവരി ഒന്നിന് 18-35.

ക്രഷ് വർക്കർ തസ്തികയിലേക്ക് അപേക്ഷിക്കുന്നവർ പ്ലസ്ടുവും ഹെൽപ്പർ തസ്തികയിലേക്ക് പത്താം ക്ലാസും വിജയിക്കണം.

അപേക്ഷ ഫോം മാതൃക പൂക്കോട്ടൂർ ഐ സി ഡി എസ് ഓഫീസ്, പൂക്കോട്ടൂർ ഗ്രാമപഞ്ചായത്ത് ഓഫീസ് എന്നിവിടങ്ങളിൽ ലഭിക്കും.

വിദ്യാഭ്യാസ യോഗ്യത മറ്റു മുൻഗണനകൾ എന്നിവ തെളിയിക്കുന്നതിനുള്ള രേഖകളുടെ പകർപ്പുകൾ, സ്ഥിരതാമസം തെളിയിക്കുവാൻ പഞ്ചായത്ത്/ വില്ലേജ് ഓഫീസിൽ നിന്നുള്ള സർട്ടിഫിക്കറ്റ് എന്നിവ അപേക്ഷയോടൊപ്പം നൽകണം. ശിശു വികസന പദ്ധതി ഓഫീസർ,ഐ സി ഡി എസ് മലപ്പുറം അഡീഷണൽ, പൂക്കോട്ടൂർ പി.ഒ പിൻ-676517 വിലാസത്തിൽ മാർച്ച് 15ന് വൈകീട്ട് നാലിനകം അപേക്ഷിക്കണം.

Tags : തൊഴില്‍ മലപ്പുറം

11/3/2025