ആയുഷ് മിഷനിൽ ഒഴിവ്

തൃശൂർ: നാഷണൽ ആയുഷ് മിഷൻ ഭാരതീയ ചികിത്സാ വകുപ്പിന് കീഴിലുള്ള ആശുപത്രികളിലേക്കും വിവിധ പദ്ധതികളിലേക്കും തെറാപ്പിസ്റ്റ് തസ്തികയിൽ കരാർ അടിസ്ഥാനത്തിൽ വനിതകളെ നിയമിക്കുന്നു.

വാക്ക്-ഇൻ-ഇന്റർവ്യൂവും സർട്ടിഫിക്കറ്റ് വെരിഫിക്കേഷനും സെപ്തംബർ 25-ന് രാവിലെ 9.30-ന് തൃശ്ശൂർ രാമവർമ്മ ജില്ലാ ആയുർവേദ ആശുപത്രിയിലെ നാഷണൽ ആയുഷ് മിഷൻ ജില്ലാ പ്രോഗ്രാം മാനേജരുടെ ഓഫീസിൽ നടത്തും.

അപേക്ഷകർ കേരള സർക്കാർ അംഗീകൃത ആയുർവേദ തെറാപ്പിസ്റ്റ് കോഴ്സ് പാസായിരിക്കണം. പ്രതിമാസം 14,700 രൂപയാണ് വേതനം.

40 വയസാണ് പ്രായപരിധി. ഉദ്യോഗാർത്ഥികൾ ബയോഡാറ്റ, ഫോട്ടോ, അസൽ സർട്ടിഫിക്കറ്റുകൾ, ഫോട്ടോ പതിപ്പിച്ച തിരിച്ചറിയൽ രേഖ, ഇവയുടെയെല്ലാം സ്വയം സാക്ഷ്യപ്പെടുത്തിയ പകർപ്പുകൾ എന്നിവ സഹിതം ഹാജരാകണം.

ഓൺലൈനിൽ ലഭിക്കുന്ന അപേക്ഷാ ഫോറം പൂരിപ്പിച്ച് കൊണ്ടുവരണം.

ഇരുപതിൽ കൂടുതൽ അപേക്ഷകർ വന്നാൽ ഇന്റർവ്യൂവിനു പുറമെ ഒരു എഴുത്തുപരീക്ഷയും ഉണ്ടാകും.

ഫോൺ നമ്പർ
വെബ്സൈറ്റ് ലിങ്ക്