നാഷണൽ ആയുഷ് മിഷൻ അപേക്ഷ ക്ഷണിച്ചു

എറണാകുളം: ഭാരതീയ ചികിത്സാ വകുപ്പിന് കീഴിൽ ജില്ലയിലെ വിവിധ സ്ഥാപനങ്ങളിലേക്ക് ദേശീയ ആയുഷ് മിഷൻ വഴി കരാർ അടിസ്ഥാനത്തിൽ താൽക്കാലിക നിയമനത്തിന് അപേക്ഷ ക്ഷണിച്ചു.

പുരുഷ-സ്ത്രീ തെറാപ്പിസ്റ്റുകൾ, തെറാപ്പി അസിസ്റ്റന്റ്, മൾട്ടി പർപ്പസ് വർക്കർ എന്നീ ഒഴിവുകളിലേക്കാണ് നിയമനം. പരമാവധി 40 വയസ്സ്.

തെറാപ്പിസ്റ്റ് (പുരുഷൻ, സ്ത്രീ) തസ്തികകളിലേക്ക് അപേക്ഷിക്കുന്നവർ കേരള സർക്കാർ അംഗീകരിച്ച ആയുർവേദ തെറാപ്പി കോഴ്സ് പാസായിരിക്കണം.

നാഷണൽ ആയുർവേദിക് റിസർച്ച് ഇൻസ്റ്റിറ്റ്യൂട്ട് ഫോർ ചെറുമരുന്നിൽ നിന്നുള്ള ആയുർവേദ തെറാപ്പി കോഴ്സ് പൂർത്തിയാക്കിയവരെയും പരിഗണിക്കും.

പ്രതിമാസ വേതനം 14,700 രൂപ. യോഗ്യരായവരുടെ അഭാവത്തിൽ വിരമിച്ച ജീവനക്കാരെയും പരിഗണിക്കും.

എസ് എസ് എൽ സി സർക്കാർ/അംഗീകൃത സ്വകാര്യ ആയുർവേദ സ്ഥാപനങ്ങളിൽ 6 മാസത്തിൽ കുറയാത്ത പ്രവൃത്തിപരിചയവുമുള്ളവർക്ക് തെറാപ്പി അസിസ്റ്റന്റ് തസ്തികയിലേക്ക് അപേക്ഷിക്കാം.

പ്രതിദിനം 544 രൂപ.

നാഷണൽ പ്രോഗ്രാം ഫോർ പ്രിവൻഷൻ ആൻഡ് മാനേജ്മെന്റ് ഓഫ് ഓസ്റ്റിയോ ആർത്രൈറ്റിസ് മസ്കുലോ സ്കെലിറ്റൽ ഡിസീസ് വിഭാഗത്തിലെ മൾട്ടി പർപ്പസ് വർക്കർ തസ്തികയിലേക്ക് ജി എൻ എം അല്ലെങ്കിൽ എ എൻ എം, കേരള നഴ്സിംഗ് കൗൺസിൽ രജിസ്ട്രേഷനും കമ്പ്യൂട്ടർ പരിജ്ഞാനവുമുള്ള (എം എസ് ഓഫീസ്) ഒരു ഉദ്യോഗാർത്ഥിയെയാണ് നിയമിക്കുന്നത്. പ്രതിമാസ വേതനം 15,000 രൂപ.

താത്പര്യമുള്ളവർ പൂരിപ്പിച്ച അപേക്ഷാ ഫോമിനൊപ്പം പ്രായം, യോഗ്യത എന്നിവ തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം അപേക്ഷിക്കണം.

അപേക്ഷകൾ കച്ചേരിപ്പടി ജില്ലാ ആയുർവേദ ആശുപത്രിയിൽ പ്രവർത്തിക്കുന്ന ദേശീയ ആയുഷ് മിഷൻ ജില്ലാ ഓഫീസിൽ നേരിട്ടോ തപാൽ മുഖേനയോ സമർപ്പിക്കാം.

അപേക്ഷ സ്വീകരിക്കുന്ന അവസാന തീയതി ജൂൺ മൂന്ന് വൈകിട്ട് 5 വരെ.

ഫോൺ നമ്പർ
വെബ്സൈറ്റ് ലിങ്ക്