സീ റെസ്ക്യൂ സ്ക്വാഡ് നിയമനം

തൃശ്ശൂർ ജില്ലയിൽ കടൽ രക്ഷാ പ്രവർത്തനത്തിനും പട്രോളിംഗിനുമായി ഹാർബർ ബേയ്സ്ഡ് സീ റെസ്ക്യൂ സ്ക്വാഡുമാരെ ദിവസവേതനാടിസ്ഥാനത്തിൽ താത്കാലികമായി നിയമിക്കുന്നു.

വാക് ഇൻ ഇന്റർവ്യൂ ജൂലൈ ഒമ്പതിന് രാവിലെ 11.00-ന് തൃശ്ശൂർ പള്ളിക്കുളത്ത് പ്രവർത്തിക്കുന്ന ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തിൽ നടക്കും.

കേരള മത്സ്യത്തൊഴിലാളി ക്ഷേമനിധി ബോർഡിൽ അംഗത്വമുള്ള മത്സ്യത്തൊഴിലാളികൾക്കാണ് അവസരം.

അപേക്ഷകർക്ക് 20 വയസിനും 60 വയസിനും ഇടയിൽ പ്രായമുണ്ടായിരിക്കണം.
കടലിൽ നന്നായി നീന്താൻ അറിയുന്നവരായിരിക്കണം.

ആവശ്യമെങ്കിൽ കടലിൽനീന്തൽ പരിശോധന നടത്തി കായികക്ഷമത ഉറപ്പുവരുത്തുന്നതും പരാജയപ്പെടുന്നവരെ ഒഴിവാക്കുന്നതുമായിരിക്കുമെന്ന് ഡെപ്യൂട്ടി ഡയറക്ടർ അറിയിച്ചു.

ഗോവ നാഷണൽ ഇൻസ്റ്റിറ്റ്യൂട്ട് ഓഫ് വാട്ടർ സ്പോർട്സിൽ ട്രെയിനിംഗ് പൂർത്തിയാക്കിയവർ, ലൈഫ് ഗാർഡ്/ സീ റെസ്ക്യൂ സ്ക്വാഡ് ആയി ജോലി മുൻപരിചയമുള്ളവർ, 2018-ലെ പ്രളയരക്ഷാ പ്രവർത്തനത്തിൽ പങ്കെടുത്തവർ എന്നിവർക്ക് നിയമനത്തിൽ മുൻഗണന ലഭിക്കും.

ഇതോടൊപ്പം തൃശ്ശൂർ ജില്ലയിലെ സ്ഥിരതാമസക്കാർ, ഉയർന്ന വിദ്യാഭ്യാസ യോഗ്യതയുള്ളവർ, അത്യാധുനിക കടൽരക്ഷാ ഉപകരണങ്ങൾ പ്രവർത്തിപ്പിക്കാൻ പ്രാവീണ്യമുള്ളവർ എന്നിവർക്കും മുൻഗണന ഉണ്ടായിരിക്കും.

താത്പര്യമുള്ളവർ വയസ്, വിദ്യാഭ്യാസ യോഗ്യത, മറ്റു യോഗ്യതകൾ, മുൻഗണനാ മാനദണ്ഡങ്ങൾ എന്നിവ തെളിയിക്കുന്ന എല്ലാ അസൽ രേഖകളും സഹിതം നിശ്ചിത സമയത്ത് ഇന്റർവ്യൂവിന് ഹാജരാക്കണം.

ഫോൺ നമ്പർ