ഇൻസ്ട്രക്റ്റർ നിയമനം

എറണാകുളം: തൃപ്പൂണിത്തുറ ഗവൺമെന്റ് ആയുർവേദ കോളേജിൽ സ്വസ്തവ്രത്ത വകുപ്പിൽ യോഗ ഇൻസ്ട്രക്റ്റർ തസ്തികയിൽ ഒഴിവ് ഉണ്ട്.

ഈ തസ്തികയിലേയ്ക്ക് വാക്ക്-ഇൻ-ഇന്റർവ്യൂ നടത്തി ഓണറേറിയം വ്യവസ്ഥയിൽ താത്കാലികമായി നിയമിക്കുന്നതിന് ബന്ധപ്പെട്ട വിഷയത്തിൽ ബിഎന്‍വൈഎസ് /യോഗ ഡിപ്ലോമ, ബിഎഎംഎസ് വിത്ത് പിജി ഡിപ്ലോമ ഇന്‍ സ്വസ്തവ്രത്ത, ബിഎഎംഎസ് എംഡി സ്വസ്തവ്രത്ത യോഗ്യതയുള്ളവരിൽ നിന്നും അപേക്ഷ ക്ഷണിച്ചു.

കരാറടിസ്ഥാനത്തിലുള്ള കാലാവധി പരമാവധി ഒരു വർഷമോ, അതിനുമുമ്പ് സ്ഥിര നിയമനം നടത്തുന്നതുവരേയോ ആയിരിക്കും.

താത്പര്യമുള്ള ഉദ്യോഗാർത്ഥികൾ ജൂലൈ 15-ന് രാവിലെ 11 -ന് കൂടിക്കാഴ്ചയ്ക്കായി തൃപ്പൂണിത്തുറ ഗവൺമെന്റ് ആയുർവേദ കോളേജ് പ്രിൻസിപ്പൽ മുമ്പാകെ ബയോഡാറ്റ, ജനനതീയതി, വിദ്യാഭ്യാസ യോഗ്യത, മുൻപരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകൾ സഹിതം ഹാജരാകണം.