ക്ഷീര വികസനവകുപ്പിന്റെ കീഴിൽ കേരളത്തിലെ വിവിധ ജില്ലകളിൽ ഒഴിവുകൾ

കോട്ടയം : ക്ഷീര വികസനവകുപ്പിന്റെ മിൽക്ക് ഷെഡ് വികസന പദ്ധതിയിൽ വുമൺ ക്യാറ്റിൽ കെയർ വർക്കർമാരെ കരാർ അടിസ്ഥാനത്തിൽ നിയമിക്കുന്നതിന് അതത് ക്ഷീരവികസന യൂണിറ്റ് പരിധിയിൽ താമസക്കാരായ 18- 45 വയസ് പ്രായപരിധിയുള്ള വനിതകളിൽനിന്ന് അപേക്ഷ ക്ഷണിച്ചു.

(പ്രവൃത്തിപരിചയം ഉള്ളവർക്ക് അഞ്ച് വർഷം വയസ്സിളവ് ലഭിക്കും)

നിശ്ചിത മാതൃകയിലുള്ള ഫോട്ടോ പതിച്ച പുരിപ്പിച്ച അപേക്ഷകൾ അനുബന്ധ രേഖകളോടൊപ്പം ഒക്‌ടോബർ 13 വൈകിട്ടു നാലിനു മുമ്പ് അതത് ക്ഷീര വികസന യൂണിറ്റുകളിൽ നൽകണം.

കുറഞ്ഞ വിദ്യാഭ്യാസ യോഗ്യത :എസ്.എസ്.എൽ.സി.
കമ്പ്യൂട്ടർ പരിജ്ഞാനം ഉള്ളവർക്ക് മുൻഗണന.

യോഗ്യരായ അപേക്ഷകർക്കുള്ള അഭിമുഖം ഒക്‌ടോബർ 17 രാവിലെ 10.30ന് കോട്ടയം ഈരയിൽ കടവിലുള്ള ക്ഷീരവികസന വകുപ്പ് ഡെപ്യൂട്ടി ഡയറക്ടറുടെ ഓഫീസിൽ നടക്കും.

കൂടുതൽ വിവരങ്ങൾക്ക് അതാത് ക്ഷീരവികസന യൂണിറ്റുമായി ബന്ധപ്പെടുക

---

ഇടുക്കി: ക്ഷീരവികസന വകുപ്പ് വാര്‍ഷിക പദ്ധതി 2026-2027 മില്‍ക്ക് ഷെഡ് ഡെവലപ്പ്‌മെന്റ് പദ്ധതി നടപ്പാക്കുന്നതിനുവേണ്ടി ഇടുക്കി ജില്ലയിലെ ഒന്‍പത് ക്ഷീരവികസന യൂണിറ്റ് ഓഫീസുകളില്‍ കരാര്‍ അടിസ്ഥാനത്തില്‍ വിമണ്‍ ക്യാറ്റില്‍ കെയര്‍ വര്‍ക്കര്‍മാരെ നിയമിക്കുന്നു.

അതത് ബ്ലോക്ക് ക്ഷീരവികസന യൂണിറ്റ് പരിധിയില്‍ നിന്നുളള 18 നും 45 നും ഇടയില്‍ പ്രായമുളള പത്താം ക്ലാസ് വിജയിച്ച വനിതകള്‍ക്ക് അപേക്ഷിക്കാം.

കമ്പ്യൂട്ടര്‍ പരിജ്ഞാനം അഭിലഷണീയം.

 തെരഞ്ഞെടുക്കപ്പെടുന്നവര്‍ക്ക് പ്രതിമാസം 8000 രൂപ ഇന്‍സന്റീവ് നല്‍കും. അപേക്ഷകള്‍ നിര്‍ദ്ദിഷ്ട മാതൃകയില്‍ തയ്യാറാക്കി അതാത് യൂണിറ്റ് ഓഫീസില്‍ സമര്‍പ്പിക്കണം.

വിമണ്‍ ക്യാറ്റില്‍ കെയര്‍ വര്‍ക്കര്‍ ആയി മുന്‍പ് സേവനം അനുഷ്ഠിച്ചവര്‍ക്ക് അഞ്ചു വര്‍ഷത്തെ സേവനകാലയളവ് പ്രായപരിധിയില്‍ ഇളവ് അനുവദിക്കും.

തൊടുപുഴ മിനി സിവില്‍ സ്റ്റേഷനില്‍ മൂന്നാം നിലയില്‍ പ്രവര്‍ത്തിക്കുന്ന ഇടുക്കി ക്ഷീരവികസന വകുപ്പ് ഡെപ്യൂട്ടി ഡയറക്ടര്‍ ഓഫീസില്‍ വച്ച് ഒക്ടോബര്‍ 17ന് രാവിലെ 11 ന് അഭിമുഖം നടത്തും.  

അപേക്ഷ സ്വീകരിക്കുന്ന അവസാന തീയതി ഒക്ടോബര്‍ 13.

ഫോൺ നമ്പർ

---

കണ്ണൂർ: ക്ഷീരവികസന വകുപ്പിന്റെ ഈ വര്‍ഷത്തെ വാര്‍ഷിക പദ്ധതിയില്‍ ഉള്‍പ്പെട്ട മില്‍ക്ക് ഷെഡ് വികസന പദ്ധതിയുടെ ഭാഗമായി ജില്ലയിലെ 13 ക്ഷീര വികസന യുണിറ്റ് ഓഫിസുകളിലേക്കും കരാര്‍ അടിസ്ഥാനത്തില്‍ വുമണ്‍ ക്യാറ്റില്‍ കെയര്‍ വര്‍ക്കര്‍മാരെ നിയോഗിക്കുന്നതിന് അപേക്ഷ ക്ഷണിച്ചു.

അതാത് ക്ഷീരവികസന സര്‍വീസ് യൂണിറ്റ് പരിധിയില്‍ സ്ഥിരതാമസം ആക്കിയതും എസ്എസ്എല്‍സി പാസ്സായതുമായ വനിത ഉദ്യോഗാര്‍ത്ഥികള്‍ക്ക് അപേക്ഷിക്കാം.

പ്രായപരിധി 18 മുതല്‍ 45 വയസ്സു വരെ.

നിശ്ചിത മാത്യകയില്‍ പൂരിപ്പിച്ച അപേക്ഷയും അനുബന്ധ രേഖകളും ഒക്ടോബര്‍ 13ന് നാല് മണിക്ക് മുമ്പായി ബ്ലോക്ക്തല ക്ഷീരവികസന സര്‍വീസ് യൂണിറ്റുകളില്‍ സമര്‍പ്പിക്കണം.

കമ്പ്യൂട്ടര്‍ പരിജ്ഞാനം അഭിലഷണീയം.

പ്രവര്‍ത്തി പരിചയം ഉള്ളവര്‍ക്ക് അഞ്ച് വര്‍ഷത്തെ വയസ്സിളവ്. അപേക്ഷ ഫോമിനും കൂടുതല്‍ വിവരങ്ങള്‍ക്കും അടുത്തുള്ള ക്ഷീര വികസന യുണിറ്റ് ഓഫീസുമായി ബന്ധപ്പെടുക.

ഫോൺ നമ്പർ

---

കോഴിക്കോട് : ക്ഷീര വികസന വകുപ്പിന്റെ 2026-27 വര്‍ഷത്തെ മില്‍ക്ക് ഷെഡ് വികസന പദ്ധതി  കോഴിക്കോട് ജില്ലയില്‍ ഫലപ്രദമായി നടപ്പിലാക്കാൻ ബ്ലോക്കുതല സഹായത്തിനായി വുമണ്‍ കാറ്റില്‍ കെയര്‍ വര്‍ക്കര്‍മാരെ നിയമിക്കുന്നതിന് വനിതകളില്‍ നിന്നും അപേക്ഷ ക്ഷണിച്ചു.

 അപേക്ഷകര്‍ അതാത് ബ്ലോക്കുതല ക്ഷീര വികസന യൂണിറ്റ് പരിധിയില്‍ താമസിക്കുന്നവരും എസ്.എസ്.എല്‍.സി.
വിദ്യാഭ്യാസ യോഗ്യത ഉള്ളവരുമായിരിക്കണം. കമ്പ്യൂട്ടര്‍ പരിജ്ഞാനം അഭിലഷണീയം.
 പ്രായപരിധി 18 നും 45 നും മദ്ധ്യേ.

 മുൻപ്  വുമണ്‍ കാറ്റില്‍ കെയര്‍ വര്‍ക്കര്‍മാരായി സേവനമനുഷ്ഠിച്ചവര്‍ക്ക് പ്രായ പരിധിയില്‍ അഞ്ച് വര്‍ഷത്തെ ഇളവ് ലഭിക്കും.  

അപേക്ഷകൾ ജില്ലയിലെ അതാത് ബ്ലോക്കുതല ക്ഷീര വികസന യൂണിറ്റ് ഓഫീസുകളില്‍ ഒക്ടോബര്‍ 13 ന് വൈകിട്ട് നാലിനകം സമർപ്പിക്കണം.  

ഫോമിനും കൂടുതല്‍ വിവരങ്ങള്‍ക്കും അതാതു ബ്ലോക്കുതല ക്ഷീര വികസന യൂണിറ്റുമായും ക്ഷീര വികസന വകുപ്പിന്റെ ജില്ലാ ഓഫീസുമായും ബന്ധപ്പെടാം

ഫോൺ നമ്പർ

---

പാലക്കാട് : ക്ഷീര വികസന വകുപ്പിന് കീഴില്‍ മില്‍ക്ക് ഷെഡ് വികസന പദ്ധതിയിലേക്ക് വനിത ക്യാറ്റില്‍ കെയര്‍ വര്‍ക്കര്‍ തസ്തികയിലേക്ക് അപേക്ഷിക്കാം.

ജില്ലയിലെ 13 ക്ഷീര വികസന യൂണിറ്റുകളിലാണ് ഒഴിവുള്ളത്.

പ്രതിമാസം 8000 രൂപ ഇന്‍സെന്റീവ്.

പത്താം ക്ലാസ് യോഗ്യതയുള്ള കമ്പ്യൂട്ടര്‍ പരിജ്ഞാനമുള്ളവര്‍ക്കാണ് അവസരം.

പ്രായപരിധി 18-45. അപേക്ഷകര്‍ ബന്ധപ്പെട്ട ക്ഷീര വികസന യൂണിറ്റ് പരിധിയില്‍ താമസിക്കുന്നവരാവണം.

അപേക്ഷയോടൊപ്പം പ്രായം, വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന രേഖകളുടെ സാക്ഷ്യപ്പെടുത്തിയ പകര്‍പ്പ് സഹിതം ഒക്ടോബര്‍ 10 ന് വൈകീട്ട് നാലിനകം ബന്ധപ്പെട്ട ബ്ലോക്ക് തല ക്ഷീരവികസന യൂണിറ്റ് ഓഫീസില്‍ എത്തിക്കണം.

ഒക്ടോബര്‍ 20 ന് രാവിലെ 10ന് പാലക്കാട് സിവില്‍ സ്റ്റേഷനിലുള്ള ക്ഷീര വികസന വകുപ്പ് ഡെപ്യൂട്ടി ഡയറക്ടര്‍ ഓഫീസില്‍ അഭിമുഖം നടക്കും.

കൂടുതല്‍ വിവരങ്ങളും അപേക്ഷ ഫോറത്തിന്റെ മാതൃകയും ബ്ലോക്ക് തല ക്ഷീരവികസന യൂണിറ്റ് ഓഫീസില്‍ ലഭിക്കും.

ഫോൺ നമ്പർ

---

മലപ്പുറം: ക്ഷീരവികസന വകുപ്പ് നടപ്പിലാക്കുന്ന മിൽക്ക് ഷെഡ് വികസന പദ്ധതിയുടെ ഭാഗമായി ജില്ലയിലെ 15 ബ്ലോക്കുകളില്‍ കരാർ അടിസ്ഥാനത്തിൽ വുമൺ കാറ്റിൽ കെയർ വർക്കർമാരെ നിയമിക്കുന്നു.

പ്രതിമാസം 8,000 രൂപ നിരക്കിൽ പരമാവധി 10 മാസത്തേക്കാണ് നിയമനം.

അതാത് ക്ഷീരവികസന സർവീസ് യൂണിറ്റ് പരിധിയിൽ സ്ഥിരതാമസമാക്കിയവരും ബ്ലോക്ക് പരിധിയിലെ ക്ഷീരസഹകരണ സംഘങ്ങളിൽ അംഗങ്ങളുമായ എസ്.എസ്.എൽ.സി യോഗ്യതയുള്ള വനിതകൾക്ക് അപേക്ഷിക്കാം.

2026 ജനുവരി ഒന്നിന് 18 നും 45 നും മധ്യേ പ്രായമുള്ളവരായിരിക്കണം.

പ്രവൃത്തിപരിചയമുള്ളവർക്ക് അഞ്ച് വർഷത്തെ വയസ്സിളവ് ലഭിക്കും. കമ്പ്യൂട്ടർ പരിജ്ഞാനമുള്ളവർക്ക് മുൻഗണനയുണ്ട്.

നിശ്ചിത മാതൃകയിൽ പൂരിപ്പിച്ച അപേക്ഷയും അനുബന്ധ രേഖകളും ഒക്ടോബർ 12-ന് വൈകിട്ട് അഞ്ചിനകം ബ്ലോക്ക്തല ക്ഷീരവികസന സർവീസ് യൂണിറ്റുകളിൽ സമർപ്പിക്കണം.

അപേക്ഷാ മാതൃകക്കും കൂടുതൽ വിവരങ്ങൾക്കും അടുത്തുള്ള ക്ഷീരവികസന സർവീസ് യൂണിറ്റുമായോ ക്ഷീരസഹകരണ സംഘവുമായോ ബന്ധപ്പെടണം.

ഫോൺ നമ്പർ